Nieuwsarchief seizoen 2022 – 2023

De ledenvergadering vindt plaats op:

Woensdag 22 maart 2023
20.30 uur
Café de Köster

Klik hier om naor de formuliere te gaon.

Het kersverse jeugdpaar van 2023:

Jeugdprins Raf (Vroemen)
Mit de leus: “Nou ff gen voetbal, boksen en kieppenboer, want dizze krullenbol gut mit de vuutjes van de vloer!”

en

Jeugdprinses Fleur (Strijbos) 
Mit de leus: “Carnaval vieren zit in mijn bloed, dus met deze carnaval komt het helemaal goed!”

Samen mit de adjudanten Joris en Linn en Jeugdvorst Bart en de rest van de jeugdroad goan ze-j veurop mit de ankommende dolle daag!

GRÖTS, GRÖTSER, GRÖTST…..

Dizze woorde umschrieve precies zoas weej os vuule. Wat un geweldig Jubileumweekend hebbe weej achter de rug! Saame mit veul van jullie hebbe weej op en top genoote. Een groöt woord van dank an alle minse die berge werk hebbe verzet op welke manier dan ok. Ok un groöt dank je wel an Firma Hendrix & Smits vur het beschikbaar stelle van de locatie en de enorme gastvrijheid en medewerking.

Het programma, de uutstraling, de sfeer, gezelligheid en het samen zien… dit waare de juuste ingrediënte vur dees geweldige daag. Weej viende het fijn dat weej saame mit jullie neeje herinneringe hebbe meuge maake en daor zien weej TROTS op! Dank jullie wel!

Vanoavend was t tied um knallend ’t neeje seizoen te beginne. Naodat we begos zien mit ut huldige van os jubilarisse, same mit t bestuur van de vorsteraod.

Noadat we stil gestaon hebbe bej ’t verleeje, zien we ondergedompeld ien n waar sprookje woaruut ozze Jubileumprins teveurschien zuj komme.

De vorst en de vurzitter name de zaal mit in un sprookje, mit doarien alle hooghede van de afgeloëpe 11 jaor, die gezamenlijk de sloapende jubileumprins de zaal ien droege. Op de bühne wier de prins van t sprookje wakker gekust dur Sneeuw-Edje, en toen stond vur os:

Jubileumprins 6×11:

Prins Pascal I wurt beejgestoan dur zien adjudanten Frank Strijbosch en Daan Dinghs, mit as leus:

“Mit 6×11 op stoeëm, belaeave weej ien Câsele ozze vasteloavesdroeëm”

De 50-jaorige Pascal Collin, woonachtig op de Lollebeekweg, het un relatie mit Mieke Kroft en is de vader van Yoeri en Kirsty.
Hej is mede-eigenaar van A&M Machinery ien Horst, un bedrief wat handelt in hakselaars en onderdiële.

Binne de veriëniging het Pascal jaorelang ien t bestuur gezeate, mit as specialisatie alles wat mit Techniek te make hèt.
Dit is ok nie gek, gezien zien groeëte passie vur techniek, vurral vur de stoommachines woar Pascal same mit zien vader, ald-prins Ger IV, en un hiel club andere meense an sleutelt en mit rond toert.

De receptie van ozze 6×11 Jubileumprins Pascal I wurt gehalde op:

Zaoterdag 21 jannewarie 2023 vanaf 20.11 ien ozze Schânseschop de Wis.

Schânseknuppels en Schânseknuppelinnekes,

T weekend van 18 en 19 november, viere weej ‘t 6×11 Jubileum ien de loods beej Hendrix-Smits. Op vreejdag opene weej het jubileum weekend en is iederïen welkom vanaf 18.49 uur. Dizze aovend hebbe weej un diversiteit van activiteiten ien petto! Dur is tied um herinneringe op te haale, dur wèrre verschillende optreejens verzurgt (ôk van éige bojém) en ozze jubileum schlager zal ten gehúure wurre gebrócht. Van 22 uur (inloop vanaf 21.30 uur) tot 00.00 uur is de carnavalscantus o.l.v. de BERUCHTE BIERCANTUS .

Dizze gezellige carnavaleske cantus is iengericht dat zowel jong (vanaf dat ge bier mugt drinke) tot alt mit kunne doen. Mochten liever dit gezellige spektakel toe juiche, gín probleem! Dur is genoeg ruumte um gezellig te kletsen of te kieke hoe het dur an toe gut. Daornao is nog un afterparty tot 01.00 uur.

Op zaoterdagaovend is wederóm iederïen welkom. Vanaf 20 tot un uur of 01.00 komme ok alle Rooyse verèniginge mit ôs un feestje bouwe. Saame mit de band Knallermann gaon we dur un moije, alderwets gezellige aovend van maake.

De entree van dizze activiteiten (behalve de carnavalscantus) zien grátis en iederïen is welkom!
Opgève vur de carnavalscantus kan via de app naor: Roel Seijkens 06-21991820, kosten € 25,- pp.

Hopelijk zien weej jullie ien November en kunne weej saame neeje herinneringe maake!

CV de Schanseknuppels

Klik in het groene vak om het filmpje te starten!

Klik HIER om het programma te bekijken.