Zaoterdág 18 nòvvember – Vastelaovesfuif – 5 x 11 jubileejum Vaorsteraod Rooj
Òp zaoterdág 18 nòvvember orgenezieërt de Vaorsteraod Rooj ien samewaerking mit CV de Piëlreus de Vastelaovesfuif. Ien verbând mit ‘t 5 x 11 jubeleejum van de Vaorsteraod gón um 20.30 uūr de deure van de spesjaal iengerichte fieësthal oop vur ‘nne spetterende fieëstaovend. De Vaorsteraod Rooj nuuëdigt iederieën den zich nòw of ien ‘t verleeje betròkke het gevuuld beej de vastelaovend ien Rooj of ien de kaerkdörpe, van hárte uut um dit jubeleejum same te viēre. Kártjes vur dizze fieëstaovend zien te koeëp via
www.pielreus.nl/vastelaovesfuif vur ‘t simboliese bedrág van €1,11 (excl. service kaosten).
Ien samewaerking mit CV de Piëlreus wert d’r ‘n spetterend pregrámmá geprizzentieërd. Verschejjene ártieste uut Rooj waoroonder Loss, Nevvenén, GoedZat en Pim & Peet verschiene dizzen aovend òp de buun.
Daornaeve verzörgt gelaegenhejdsformasie “Vriende van Piëlreus Live” ‘n spektekelaere show. Dees groep van 50 Ysselsteynse ártieste prizzentieëre ‘n òptreeje vol meziek en audiovizewieël spektakel. ‘n Unieke show mit ònverwaachte duette, rockende battles, flitsende bands, ientieme soloos en fieëstende DJ sets.
De muzekale waervelwiend trekt lángs Pop, Rock, NL-taleg en nog zoeë veul mieër dur de spesjaal umgebowde fieësthal van Expert Ysselsteyn. As klápper òp de vuūrpiel verzörgt SjanTé ‘t sluutstuk van dizzen aovend. Dees 16 koppege fieëstband uut Ysselsteyn trekt al jaoreláng nevve diverse fieëste ien òs gemaent en weej zien dan ok gröts dat zeej dizze fieëstaovend muzekaal af zun slute.
De Vastelaovesfuif is vur iederieën vanáf 18 jaor toegaankelek òp vertoeën van ‘n ântreejkártje. Tickets van €1,11 zien te koeëp via
www.pielreus.nl/vastelaovesfuif zóláng ze beschikbaar zien.
De deure van de fieëstlekasie (Agrobaan 10, Ysselsteyn) zien um 20.30 uūr geopend. Ien samewaerking mit Maasdal Busvervoēr wert ’r busvervoēr vanuut de dörpe georgenezieërd. Mieër ienfermasie via
www.hetmaasdal.nl
Zie Facebook vur mieër infomatie:
